Активности на ИТ Центарот

Активности

Визија 8

Промоција на успешната соработка меѓу „Мајкрософт“ и Универзитет „Гоце Делчев“ - Штип

На овогодишната „Визија 8“ беше промовирана успешната соработка на „Мајкрософт“ со Универзитетот „Гоце Делчев“ - Штип, која датира од основањето на Универзитетот. Уште на почеток „Мајкрософт“ доби шанса да биде вистински партнер во развојот на ИТ инфраструктурата на Универзитетот, што денес резултира со извонредно успешен дизајн и имплементација на серија решенија кои на студентите им овозможуваат пристап до компјутерската мрежа (компјутери, киосци), комплетно електронско студирање, вклучувајќи електронски упис и заверка на семестар, електронско пријавување на испити и семинарски работи, објава на електронски резултати, електронска огласна табла, перманентна електронска комуникација и електронски консултации со наставничкиот кадар и соработниците.

Ова решение и платформата на која е изградено обезбедува континуирана надградба на системот, не само следејќи го природниот развој на институцијата туку и преку негово активно забрзување.

За студентите ова значи дека нема да губат време на чекање пред шалтери да пријават испит, или да ги проверат резултати од испити пред кабинетите или да чекаат пред вратата да дојде професорот или асистентот за консултации - тоа време можат сега да го искористат за себе, а сите овие работи да ги завршат од својата соба и од својот компјутер.

Проектот се реализираше преку интензивна соработка на тимовите од Универзитетот „Гоце Делчев“, „Интек системи“, „Логин системи“ и „Мајкрософт“.

Визија 7

УГД НА Microsoft ВИЗИЈА 7

Октомври 2010 г.

На 7 и 8 октомври 2009 година во Скопје, во хотелот „Александар Палас“, се одржа седмата по ред технолошка конференција „Microsoft ВИЗИЈА“. Ова е најголема конференција од таков вид која се одржува во Република Македонија, која традиционално ги обединува ИТ професионалците, програмерите и менаџерите на едно место.

Со големиот број на стручни предавања и присуството на еминентни домашни и странски предавачи, конференцијата беше можност на едно место да се слушнат експерти од ИТ бизнисот, посетителите да се запознаат со најновите производи и долгорочни стратегии на Microsoft, како и да разменат мислења и знаење за најновите технологии.

Визија 6

Универзитетот учествуваше на најголемата конференција на Мајкрософт

Октомври 2008 г.

Веќе шеста година по ред, Microsoft ВИЗИЈА е најголемата технолошка конференција што се одржува во Република Македонија, која традиционално ги обединува ИТ професионалците, програмерите и менаџерите на едно место.

Од страна на Универзитетот учество зедоа 17 студенти, 10 професори и асистенти и 5 експерти од ИТ одделот на УГД.

На конференцијата свое излагање имаше м-р Зоран Здравев од Факултетот за информатика при УГД и Александар Бојков од Макјрософт на тема „Успешна сторија: Соработка со академски институции”. Годинава Microsoft ВИЗИЈА се одржи во Скопје, на 1 и 2 октомври, во хотел Александар Палас.

Веќе шеста година по ред, Microsoft ВИЗИЈА е најголемата технолошка конференција што се одржува во Република Македонија, која традиционално ги обединува ИТ професионалците, програмерите и менаџерите на едно место.

Од страна на Универзитетот учество зедоа 17 студенти, 10 професори и асистенти и 5 експерти од ИТ одделот на УГД.

На конференцијата свое излагање имаше м-р Зоран Здравев од УГД и Александар Бaјков од Мајкрософт со тема „Успешна сторија: Соработка со академски институции”.

Со големиот број на стручни предавања и присуството на еминентни домашни и странски предавачи, конференцијата е можност на едно место да се слушнат експерти од ИТ бизнисот, посетителите да се запознаат со најновите производи и долгорочни стратегии на Мајкрософт, како и да разменат мислења и експертиза.

Годинава големо значење се даде на новите технологии, со посебен осврт на успешните имплементации на истите на локално ниво. Тие се одлика на иновативноста на компанијата, нејзината определба за посигурна и поефикасна средина за работа, но и за единствено функционално опкружување за корисниците на „микрософт“ технологии.

Видео конференции

Преку мрежниот систем на Универзитетот „Гоце Делчев“ – Штип предавања од реномирани светски универзитети и институции ќе се следат преку видеоконференциска врска.

Имплементацијата на современите технолошки можности на Универзитетот „Гоце Делчев“ – Штип овозможува и побрз и поедноставен пристап до најновите искуства и сознанија во образовната и научната област. На Високата здравствена школа веќе е поставена потребната опрема, преку која студентите ќе можат да следат предавања од врвни експерти од европски и светски образовни институции. Универзитетот „Гоце Делчев“ има склучено договори за соработка и придружно членство со реномираната Клиника од Нирнберг, Германија, како и со Кардиохирургија „Филип Втори“, па првите предавања преку видеоконференциска врска ќе се реализираат со овие институции.

Ваквата практика на предавања ќе започне да се применува со почетокот на летниот семсетар, од 15 февруари 2010 година.